牙齒塗氟係口腔科常用嘅一種預防兒童齲齒嘅方法，將氟化物塗喺牙齒表面，形成保護層，增強牙齒嘅防齲能力，減少齲齒嘅發生機率，呢個係因為氟化物可以：
①堅固牙齒，增強牙齒嘅抗酸防蛀能力。
②齲齒初期，呢個時候使用氟化物可以令脫鈣嘅琺瑯質再鈣化。
③氟化物可以抑制細菌本身嘅活力，令到牙菌斑唔容易黏附喺牙齒表面，減少產酸，降低齲齒發生嘅機率。
但係好多家長都懷疑嘅係，每日都用含氟牙膏刷牙，都可以起到一定的預防作用嘅，點解一定要做牙齒塗氟呢？
塗氟同含氟牙膏係互相補充嘅關係，而唔可以互相替代，就好似塗氟同封閉窩溝咁。
塗氟用嘅氟化物濃度相比含氟牙膏高，保護力都強啲、作用時間亦相對長啲；塗氟只可以保護牙齒表面，對於牙齒旁邊嗰面無效，所以每日都需要用含氟牙膏刷牙，之後再用牙線等等，加以輔助先可以維持好嘅防蛀效果。
牙齒塗氟係一勞永逸嗎？
牙齒塗氟並不能一勞永逸，隨住時間流逝、牙齒表面嘅氟化物被慢慢磨耐，細菌就會再次有機可乘，導致牙齒蛀爛。
建議喺兒童12歲以前每3到6哥月定期塗氟，建立保護屏障降低牙齒被蛀嘅風險。
最後提醒家長，口腔健康需要多方面嘅努力，包括良好嘅口腔衛生習慣、健康嘅飲食結構、定期口腔檢查及預防措施。
塗氟喺短時間內可以幫助牙齒增強抗齲能力，同時延緩而家已經壞咗嘅齲壞進展，但養成良好嘅飲食習慣、有效刷牙仲係防齲嘅關鍵方法。